A CONURBAÇOM BIL-DON (BILBO-DONOSTIA), Bilbau-Sam Sebastiám, É PARTE DA CONURBAÇOM BIL-BAI (BILBO-BAIONA), Bilbau-Baiona.

BIL-DON é umha conurbaçom. A conurbaçom BILBAO-DONOSTIA, BILBAU-SAM SEBASTIÁM, descoberta (e baptizada usando o privilégio do descobridor) polos sociólogos bascos Justo DE LA CUEVA e Margarita AYESTARÁN e apresentada em 1982 no seu livro Euskádi ¿dónde vas? ¿por qué?.

BIL-DON responde muito exactamente ao conceito de conurbaçom (defendido por Lewis MUNFORD e criado polo seu mestre, o pioneiro do urbanismo Patrick GEDDES) que supom a fusom de várias cidades pré-existentes mais do que a expansom de um único centro.

Os geógrafos Manuel FERRER REGALES e Andrés PRECEDO LEDO tinham assinalado já em 1977 (vide o seu livro El sistema urbano vasco. Las ciudades de Guipúzcoa y Vizcaya, Leopoldo Zugaza, Durango, 1977) umha série de casos de conurbaçom coalhados ou iniciados em Euskal Herria Sul: 1) Irum-Fuenterrabía; 2) Eibar-Érmua-Elgoibar; 3) Tolosa-Anoeta-Irura-Villabona-Andoain; 4) Beasain-Lazcano-Olaberria-Villafranca de Ordizia; 5) AzKoitia-Azpeitia; 6) Zumárraga-Legazpia-Villarreal de Urrechu; 7) Mondragón-Arechavaleta; 8) Munguia-Bilbau; 9) Amorabieta-Bilbau; 10) Llodio-Amurrio-Orduña.

DE LA CUEVA e AYESTARAN intuírom que essas microconurbaçons assinaladas por FERRER e PRECEDO poderiam reconhecer-se como por sua vez fagocitadas e absorvidas por umha conurbaçom maior que fosse ininterrompidamente de umha a outra área metropolitana, de Bilbo a Donostia, de Bilbau a Sam Sebastiám. E para comprová-lo aplicárom estritamente os critérios de delimitaçom de Áreas Metropolitanas estabelecidos oficialmente em 1965 pola Direcçom Geral de Urbanismo do Ministério da Habitaçom, que os copiou dos critérios urbanísticos estado-unidenses.

Aplicárom esses critérios aos dados dos Censos de Populaçom de 1960 e 1970 e do Padrom de 1975. Para 1975 apareceu coalhada e travada BIL-DON como mostram os mapas:

Mapa em três tempos
e Mapa da conurbaçom

DE LA CUEVA e AYESTARÁN salientam a brutalidade do processo de crescimento de BIL-DON (quase multiplica por TRÊS a sua populaçom em período 1930-1981 e por DOUS em apenas os 25 anos do período 1950-1975) e a sua ralentizaçom a partir de 1975.

A populaçom de facto do conjunto dos 77 concelhos (que abrangem 1.867 quilómetros quadrados) tem evoluído assim:

DE LA CUEVA e AYESTARAN advertírom do tosco dos critérios da Direcçom Geral de Urbanismo espanhola por eles empregues (uso acrítico dos termos municipais sem corrigir as carências e deficiências que a sua delimitaçom implica, p.e.). Vincárom que: "É evidente que a realidade da conurbaçom BIL-DON ultrapassa os limites que podem ser fixados com os toscos procedimentos que empregamos. Mas precisamente o nosso objectivo era demonstrar a realidade da conurbaçom BIL-DON chamar a atençom para essa realidade que devém um factor causal e explicativo de primeira ordem para os problemas bascos. A nossa hipótese de trabalho era que, inclusivamente com os toscos métodos da Direcçom Geral de Urbanismo, a potente realidade do fenómeno BIL-DON ficaria a nu".

Igualmente assinalárom que a limitaçom do seu livro a Euskal Herria Sul (à parte de Euskal Herria súbdita do Estado espanhol: as quatro províncias de Araba, Bizkaia, Gipuzkoa, Nafarroa) os obrigava a cortar a conurbaçom polo leste no limite de Hondarribia e Irum com a fronteira entre os Estados espanhol e francês. Mas que a realidade da unidade estrutural urbanística, étnica e crescentemente económica entre Ipar (Norte) e Hego (Sul) Euskal Herria se patenteia também no facto de na realidade a conurbaçom continuar pola costa até Baiona.

A realidade é que a conurbaçom BIL-DON nom é mais do que umha parte (embora a mais grande da conurbaçom BIL-BAI (BILbau-BAIona, Bilbau-Baiona).